遲左少少的新年願望

06年年尾閉關四天，趕完八千字功課，好辛苦！
其實我不太介意足不出戶，因為我是個極懶的人，好鍾意hea係屋企。不過趕功課，自然是另一回事，閉關幾天，起身就食，食完就埋位對住電腦，間歇性比張床吸引，然後又彈返去電腦前，跟住夠鐘又食，感覺有如當年考A level的是日子，如是者，功課就趕完。
終於體會到又返工又返學的痛苦，所有假期都用來做功課，想起下年聖誕新年都要閉關，認真心寒！
上星期把功課E出後，不知是否心理作用，即刻頭痛，返工後，完全想不起要做甚麼， 兼且不想用腦。然後經一輪大 「覺訓」，幾輪電話粥加ＭＳＮ後，身心才完全回復。
自十二月連環趕功以來，積下很多私務未辦，而且做功課期間，又特別想節外生枝，突然想看那本書，又有很多寫blog的意念，最後交完功課後，身心大解放，卻甚麼也不想做，只想做盡無聊事。
不過，這次的經驗一定要記下，十幾年來第一次在家中睇電視倒數的一刻，我立下願望，下學期，真係要好好管理時間，不止是不想再在假期閉關，更不想臨急抱佛腳，今次真係打天才波，還有不想「因功」再肥幾磅。
Hea完一輪後，總算記得要回來這裡。其實我年年都有願望，想做那些、想戒那些，通常不夠一個月就被拋諸腦後，所以今次要寫低。